قصة حياة وردة

موضوع: قصة حياة وردة السبت مارس 03, 2012 5:27 am

وردة بتدبل جنب الحيط
تمر حياتها عليها شريط
يعدّى اليوم..كأنه بسيط
بس عليها ..دهور بتمرّ

تغمض عينها..بس كفاية
تحس ظلامها كأنه مراية
شافت فيها الــــف حكاية
وقصة وردة شــافت المّر

كل الناس شايفينها جميلة
وردة بتضحك فـ كل ليلة
وسط اخواتها عزوة وعيلة
وماحدش فيهم عرف السر

لون جذاب وعطر يفوح
وردة تقول الحب صريح
تصالح بيها قلب جريح
تشوفها العين وبيها تسرّ

ماحدش يعـــرف اى عذاب
اتحفر فى ورقها كانه كتاب
وان اريجها ده كـــله عتاب
يفكّر حد بحلم الــــــــــعمر

ياما مرت بيها ظـــروف
وداقت طعم وبرد الخوف
وحسّت وحدة وسط الوف
وياما دموعــها منها تفرّ

فـ ليال البرد تضـــــم ورقها
والقلب نفسه فى كلمة اشتاقها
يوم ورا يوم والوقت سرقها
تسأل يعنــــى ايه هيضّر؟؟

ياما حلمــــــــــت بالحرية
خضرة واسعة وشمس وميّة
تجرى توعـــــــد بأيام جاية
وحب يدوم ويــــــسع البحر

حلم كتيــــــر شافته بعنيها
وكل ما تيجى تلمسه بايديها
يبعد عنها ويقـــــسى عليها
كأن ايديها مســــكت جمر

يوم ورا يوم يعدّى ويمشى
ولسة الحلم برضه مابانش
تنادى القــــلب ولا يسألش
ومحـــــدش يسأل ولا بيمرّ

قالولنا ان الحـــــــلم جميل
واللى بيصــــبر بكره ينول
حلمت ,صبرت,عاشت جيل
وراح الحلم مـــعاها القبر!!

يعطيكي العافية على الطرح الرائع والموضوع الاروع في انتضار ابداعاتك القادمة